Пайвандҳои дастрасӣ

Ғолибони мусобиқаи қаҳрамонии гуштии озоди Тоҷикистон


Баҳодур Қодиров - ғолиби мусобиқа дар вазни 74 кг.

Дар мусобиқаи қаҳрамонии Тоҷикистон оид ба гуштии озод, ки дар шаҳри Душанбе, дар Маҷмааи варзиши Хадамоти алоқаи Тоҷикистон баргузор шуд, бештар аз 80 варзишгар аз манотиқи мухталифи кишвар ширкат доштанд.

Мусобиқа аз рӯи ҳафт вазн баргузор шуд. Паҳлавонон Саидмузаффар Мудинов (55 кг), Николай Ноев (60 кг), Тоҷиддин Хоҷаев (66 кг), Баҳодур Қодиров (74 кг), Комилҷони Сафаралӣ (84 кг), Искандари Рустам (96 кг) ва Фарҳод Анақулов (120 кг), ки ба унвони қаҳрамонӣ даст ёфтанд, бо медалҳои тилло сарфароз шуданд.

Ғолибони мусобиқа Тоҷикистонро дар ҳайати дастаи мунтахаби кишвар дар мусобиқоти байналмилалӣ намояндагӣ хоҳанд кард. Гуштигироне, ки ҷойҳои дувуму севумро соҳиб шуданд, мутаносибан бо медалҳои нуқраву биринҷӣ сарфароз гаштанд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

Машваратдодашуда

XS
SM
MD
LG