06:13
7.11.2012
Дар Иёлоти Муттаҳида ҳамроҳ бо раисиҷумҳур ҳамчунин вакилон барои 33 курсии холишудаи сенати Амрико ва тамоми 435 вакили Маҷлиси Намояндагонро интихоб мекунанд.
06:14
7.11.2012
Дар ҳоле ки амрикоиҳо дар интихоботи президентӣ овоз медиҳанд, нархи нафт боло рафтааст. Рӯзи сешанбе дар бозори Ню-Йорк нархи нафти хоми сабук дар муқоиса бо як рӯзи пеш 3 доллар афзоиш ёфта, ба 88,71 доллар расид. Дар бозори Лондон бошад, нархи нафти навъи Brent 3,34 доллар боло рафта, ба 111, 07 доллари амрикоӣ баробар шуд. Бозорҳои авроқ (коғазҳо)-и гаронбаҳои Амрикоро низ ҳамин гуна гароншавӣ фаро гирифтааст.
06:15
7.11.2012
Дар аёлати Каролинаи Шимолӣ номзади ҷумҳурихоҳон Митт Ромнӣ дастболо шуда, 9 раъйи интихобии дигар ба даст овард. Ба ин тартиб, то ин лаҳза Барак Обама, пас аз пирӯзиаш дар аёлати Вермонт, 3 раъйи интихобӣ ва Митт Ромнӣ бо пирӯзиаш дар аёлатҳои Кентаккӣ, Индиана, Вирҷинияи Ғарбӣ ва Каролинаи Шимолӣ 33 раъйи интихобӣ ба даст овардаанд.
06:17
7.11.2012
Соати шаш ба вақти Тоҷикистон натиҷаи пешакии ғайрирасмӣ ё худ экзит пол дар як идда аёлатҳои соҳили шарқии ИМА эълон шуд. Шабакаи телевизионии СИ ЭН ЭН пешбинӣ кардааст, ки дар аёлатҳои Коннектикат, Делавар, Иллинойс, шаҳри Вашингтон ва Род Fйленд ба фоидаи Обама овоз додаанд. Тибқи пешбинии СИ ЭН ЭН феълан Обама 64 овози интихоботӣ ва Ромнӣ 40 овози интихоботӣ дар ихтиёр доранд.