Русия рӯзи чаҳоршанбе дар иҷлоси Шӯрои Амнияти СММ Либияро муттаҳам кард, ки барои размандагони мухолифони давлати Башор Асад-раиси ҷумҳури Сурия марказҳои тамрин боз кардааст. Виталий Чуркин-намояндаи Русия дар СММ дар ин иҷлос гуфт, Русия далоиле дар даст дорад, ки Дар Либия марказҳои вижаи машқи инқилобиёни Сурия фаъолият мекунад. Баъд аз машқ ин афрод ба Сурия фиристода мешаванд, то ба ҳукумати қонунии кишвари худ ҳамла кунанд. Чуркин гуфт, “чунин фаъолиятҳо сулҳу субот дар Ховари миёнаро ба ҳам мезанад”.
