Ба гуфтаи як табиб дар шаҳри Ҷалолободи Афғонистон, бар асари болои издиҳоми тазоҳургарон тир кушодани пулис як эътирозгар кушта ва 10 тани дигар захмӣ шудаанд. Ин мардум алайҳи оташ задани нусхаҳои “Қуръон” дар пойгоҳи НАТО дар фурудгоҳи Багром эътироз мекарданд. Дар айни тазоҳуроти эътирозӣ дар Кобул, ба гуфтаи мақомот, 11 нафар ҷароҳат бардоштаанд. Пулис алайҳи онҳо замоне оташ кушод, ки издиҳом мехост ба сӯи маркази шаҳр раҳпаймоӣ кунад. Амрико иттифоқҳои уфтода бо китоби муқаддаси мусалмононро иштибоҳ хонда, барои он узр хост.
