Пайвандҳои дастрасӣ

Хабари нав

Карнӣ: Теҳрон имкони оштӣ бо Амрикоро дорад


Теҳрон ҳама имконот барои қатъи низоъ бо Амрико ва ҳампаймонҳояш дар робита ба барномаи ҳастаии Эронро дорад. Дар ин бора намояндаи Кохи Сафед Ҷей Карнӣ изҳорот пахш кард. Карнӣ иттилои Теҳронро дар он бора ки раисиҷумҳур Барак Обама дар як нома унвонии раҳбарони Эрон барои музокирот изҳори омодагӣ кардааст, тасдиқ ё рад накард.

Ба гуфтаи сухангӯи Кохи Сафед, барои коҳиш додани шиддати авзоъ ба Эрон кофист, ки бо ИМА ва дигар кишварҳои ғарбӣ музокирот оид ба барномаи ҳастаияшро аз сар бигирад.

Кишварҳои ғарбӣ ҳадс мезананд, ки ҳадаф аз барномаи ҳастаии Эрон дастёбӣ ба силоҳи ҳастаист ва аммо Теҳрон мегӯяд, ки ин барнома фақат ҳадафҳои осоишта дорад.
XS
SM
MD
LG