Раисиҷумҳури Тоҷикистон Эмомалӣ Раҳмон ҷиҳати таҳияи меъёрҳои нави такмили сабати истеъмолӣ дастур додааст. Ожонси омор мегӯяд, то 1 сентябр ҳазинаи сабати истеъмолӣ дар Тоҷикистон барои як нафар дар моҳ 120 сомониро ташкил медод, вале барои таъмини ҳар нафар бо ғизои хубу кофӣ 248 сомонӣ лозим будааст. Таркиби сабати истеъмолӣ дар ҳоле бозбинӣ мешавад, ки тақрибан нисфи аҳолии Тоҷикистон дар зери хатти фақр ба сар мебарад.
