Дар Тоҷикистон шумори гирифторони вируси заъфи масунияти бадан СПИД ба 3600 нафар наздик шудааст. Дар ин бора дар як нишасти беҳдоштӣ дар Душанбе иттило дода шуд. Хабаргузории Avesta.Tj бо пахши ин хабар аз қавли мақомоти беҳдошти кишвар мегӯяд, ки шумори гирифторони бемории сил дар кишвар афзоиш ёфта ба 7500 нафар баробар шудааст. Дар нишасти мазкур роҳҳои муассиртари ҷилавгирӣ аз сироят ва мусоидати беҳтар ба гирифторони ин амрози хатарнок баррасӣ шудааст.
