Раисиҷумҳури Афғонистон, Ҳомид Карзай мегӯяд, барои даври савуми раёсатҷумҳурӣ талош нахоҳад кард. Бархе аз рақибони сиёсии ӯ изҳори ҳарос кардаанд, ки Карзай барои боқӣ мондан дар сари қудрат Қонуни асосии Афғонистонро тағйир хоҳад дод, аммо худи Карзай гуфт, қонуни асосӣ ба касе иҷоза намедиҳад, ки беш аз ду давр раиси ҷумҳур бошад. Давраи раёсати Карзай дар соли 2014 ба поён мерасад.
