Покистон барои нахустин бор як занро вазири хориҷа таъйин кард. Ҳино Раббонӣ Хори 34-сола ҳамин тавр ҷавонтарин нафаре дар таърихи Покистон аст, ки ба ин симати муҳим менишинад. Аммо Беназир Бҳутто қаблан ҳатто сарвазири Покистон ҳам буд. Ҳино Раббонӣ то кунун муовини вазири хориҷаи Покистон буд. Ин курсии кобина баъди барканории Шоҳмаҳмуд Қурайшӣ дар моҳи феврал холӣ буд.
