Хосе Луис Родригес Запатеро-нахуствазири Испания гуфт, кишвараш аз 1 500 нафар нируҳои худ 10 дарсадашро аз Афғонистон дар нимаи аввали соли оянда фаро хоҳад хонд. Хуруҷи комили нируҳои Испания аз Афғонистон то соли 2014 дар назар дошта шудааст. Запатеро ин нуктаро дар мулоқоти раҳбарони кишварҳои узви Иттиҳодияи Аврупо дар Бруссел изҳор дошт. Вай гуфт, 40 дарсади нируҳои Испания то нимаи аввли соли 2013 ба хона бархоҳанд гашт. Эълони хуруҷи тадриҷии нируҳои эътилофи зиддитеррор аз Афғонистон дар ҳоле садо медиҳад, ки ин ҳафта Барак Обама-раиси ҷумҳури Амрико хуруҷи тадриҷии нируҳои худ аз Афғонистонро эълон кард.
