Дар Қазоқистон як узви фаъоли Ҳизби коммунистро бо хотимаи мӯҳлати зиндони ҳафтрӯза аз зиндон раҳо карданд. Ба гузориши бахши қазоқии Радиои Озодӣ, Андрей Суканов барои ширкаташ дар тазоҳурот алайҳи баркандани муҷассамаи Ленин аз маркази шаҳри Қарағанда ба зиндон маҳкум шуд. Ӯ дар девори майдони марказии шаҳр, навиштааст, ки “Фашистон Ленинро ором гузоред”. Мақомоти Қазоқистон, муҷассамаи Ленинро рӯзи 6 декабр аз маркази Қарағанда барканда ва дар як боғи ҳошияи шаҳр насб карданд.
