Пайвандҳои дастрасӣ

Хабари нав

Ифшои дигари WikiLeaks дар бораи Радко Младичи фирорӣ


Дар як номаи дигари электронӣ, ки WikiLeaks чоп кардааст, гуфта мешавад, ки дар соли 2008 Сербистон аз маҳали буду боши Радко Младич-генерали фирории муттаҳам ба қатли ом огаҳ буд. Ин номаро рӯзномаи "The New York Times" низ чоп кардааст ва дар он гуфта мешавад, ки Рамон Абароа-дипломати Испания иддао кардааст, ки дар соли 2008 Сербистон хеле хуб медонист, ки Младич дар куҷост. Аммо Борис Тадич-раиси ҷумҳури Сербистон ин иддаоро рад кардааст. Маълум нест, ки Абароа ин иддаои худро кай матраҳ кардааст, дар даврони Войислав Каштунитса-нахуствазири миллатгаро ё баъд аз бохти вай дар интихоботи раёсати ҷумҳурӣ. Каштунитса ин интихоботро ба Тадичи аврупогаро бохта буд.
XS
SM
MD
LG