Вазири молияи Тоҷикистон гуфт, қарзи кишвар то 1 октябр ба 1 миллиарду 790 миллион доллар расидааст, ки қариб 32 дарсад ё сеяки маҷмӯъи маҳсулоти дохилии Тоҷикистонро ташкил медиҳад. Сафаралӣ Наҷмиддинов дар нишасти хабариаш гуфт, имсол барои баргардон ва пардохти фоизи қарзҳои хориҷӣ аз будҷа 47 миллион доллар масраф шудааст. Тибқи стротежии коҳиши фақр, ки ҳукумати Тоҷикистон тасвиб кардааст, ҳаҷми қарзи хориҷиаш набояд аз марзи 40 дарсади маҷмӯъи маҳсулоти дохилӣ убур кунад.
