Як чархболи мулкӣ имрӯз дар қароргоҳи НАТО дар Қандаҳор, ҷануби Афғонистон суқут кард. Назар ба иттилои сухангӯи НАТО дар натиҷа 16 сарнишини он ба ҳалокат расиданд. Оҷонсии федеролии ҳавоии Русия дар сӯҳбат бо Interfax гуфт, ки ин чархболи навъи МИ-8 сохти Русия буд. Феълан роҷеъ ба ҳуввият ва шаҳрвандии қурбониҳои ин ҳодиса иттилое дар даст нест, аммо гуфта мешавад, ки ҳамаи онҳо афроди ғайринизомӣ буданд.
