Пайвандҳои дастрасӣ

Афғонистон раҳбари навро дертар интихоб мекунад


Интихоботи раёсатҷумҳурии Афғонистон ба рӯзи 20-уми август ба таъхир гузошта шуд.

Бино бар Сарқонуни ин кишвар, интихоботи раисҷумҳури нав бояд моҳи май доир мешуд, вале ба сабабҳои амниятӣ мақомот интихоботро то ба рӯзи 20-уми август ба таъхир гузоштанд.

Дар шарҳи сабаби ин иқдом гуфта шудааст, таъмини амният дар кишвар, бахусус дар минтақаҳои ҷануб ва шарқ хеле душвор аст ва баргузории интихоботи шаффоф ва одилона дар ин манотиқ имконнопазир мебошад.

Раисҷумҳури феълии Афғонистон Ҳамид Карзай аз соли 2001, пас аз суқути Толибон дар пайи амалиёти низомии Амрико ва муттафиқонаш, умури идора дар ин кишвари ҳамсояи Тоҷикистонро дар даст дорад. Дар интихоботи президентии соли 2004 баранда гардид.

Дар ҳамин ҳол, Иёлоти Муттаҳида, ният дорад, ҳузури низомии худ дар Афғонистонро тақвият бидиҳад. Раисҷумҳури нави Амрико, Барак Обама гуфтааст, тасмим дорад, ки шумори нерӯҳои низомии кишварашро дар Афғонистон аз 36 ҳазори феълӣ то ба 60 ҳазор нафар боло бибарад.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG