Русия бо нашри як изҳорот сиёсати Укроинро нисбати хеш "ғайридӯстона" номид ва маҳкум кард. Дар изҳороти Вазорати умури хориҷии Русия гуфта мешавад, Маскав ба вижа аз он нигарон аст, ки Киев аз Гурҷистон пуштибонӣ кард ва барои киштиҳои ҷангии Русия дар Баҳри Сиёҳ мушкилот ба миён овард. Ҳамчунин гуфта мешавад, Укроин дар ҳалокати инсонҳо дар ҷанги Гурҷистон масъул аст, зеро ба Тифлис силоҳу муҳиммот фурӯхтааст.
