Уго Чавес, раисиҷумҳури Венесуэла эълом дошт, кишвараш мехоҳад яке аз бузургтарин бонкҳои хусусии кишварро, ки алҳол ба бонки испании “Сантандер” тааллуқ дорад, бозгардонад. Ӯ гуфт, "мо мехоҳем "Бонки Венесуэла"-ро баргардонем, то ки ба манфиати мардуми кишвар хизмат кунад". Ба гуфтаи раҳбари Венесуэла, тасмим дар бораи баргардонидани бонк баъди он гирифта шуд, ки мақомот аз фурӯхта шудани ин бонк аз сӯи “Сантандер” ба як бонки хусусии дигар огаҳ шуданд.
