Алишер Мирзонабот, собиқ раиси Вилояти Мухтори Кӯҳистони Бадахшон, ки чанд моҳ пеш дар як садамаи нақлиётӣ ҷон бохта буд, бо фармони президенти Тоҷикистон бо орден ё нишони Исмоили Сомонӣ дараҷаи 2, қадрдонӣ шудааст.
Ин мукофоти давлатӣ рӯзи 4 сентябр тайи маросиме дар шаҳри Хоруғ аз ҷониби Сардори Саридораи ҳифзи сирри давлатии назди ҳукумати Тоҷикистон Шералӣ Мирзо ба падари Алишер Мирзонабот супурда шуд.
Ордени Исмоили Сомонӣ дараҷаи II, яке аз мукофотҳои олии давлатии Тоҷикистон буда, шахсони масъули давлатӣ, ходимони ҷамъиятӣ ва шахсони дигар барои хизматҳои шоиста сарфароз гардонида мешаванд.
Алишер Мирзонабот ва ҳамсару як фарзанди хурдсол ва ёвару ронандааш рӯзи 17-уми июн ҳангоми бозгашт аз Душанбе ба Хоруғ бо мошини хидматӣ дар ҳудуди ноҳияи Дарвоз ба дарёи Панҷ сарозер шуданд.
Пайкари Алишер Мирзонаботро рӯзи 30-юми июн, ёвару ронандаашро рӯзҳои 25-26-уми июн ва ҳамсараш Амина Амонуллоеваро 3 июл пайдо карда, ба хок супурданд.
Ҷасади Орифа, духтари дусолаи Алишер Мирзонабот, ҳанӯз пайдо нашудааст.