Пайвандҳои дастрасӣ

Хабари нав

Рамазон Мирзоев: “Деҳқон ҳастам, ба ягон сиёсат кор надорам” ВИДЕО


Рамазон Мирзоев. Шаҳри Душанбе, шоми 22-юми феврали 2018

Яке аз дипломатҳои собиқадори тоҷик китоби хотироти худро дар бораи рӯйдодҳои солҳои 90-ум нашр намуд. Рамазон Мирзоев, сафири собиқи Тоҷикистон дар Русия ва Эрон гуфт, бо чопи "Давлати безавол" дидаву шунидаҳои худро дар бораи ҳодисаҳои тақрибан сӣ соли пеш баён кардааст.

Китоби "Давлати безавол" шоми 22-юми феврал дар маҳфили "Гуфтугӯи тамаддунҳо" муаррифӣ шуд
Китоби "Давлати безавол" шоми 22-юми феврал дар маҳфили "Гуфтугӯи тамаддунҳо" муаррифӣ шуд

Дипломати собиқадор Рамазон Мирзоев 72 сол дорад ва ҳоло, ба гуфтаи худаш деҳқон асту ба ҳеч сиёсат кор надорад. Аммо шоми 22-юми феврал дар расми муаррифии китобаш дар Душанбе гуфт, бо навиштаҳои худ парда аз рӯи баъзе ҳодисаҳое бардоштааст, ки то ҳол дар бораашон касе ошкоро нанавишта буд. Яке аз ин хотираҳо – ҳодисаи гаравгонгирии ӯву чанд сиёсатмадори дигар, чӣ гуна аз Душанбе то Хуҷанд рафтани Раҳмон Набиев ва роҳи Эмомалӣ Раҳмон то раёсати ҷумҳури Тоҷикистон буд.

  • Хулосаи суҳбатҳои Рамазон Мирзоевро, ки дар бораи муносибати Тоҷикистону Эрон ҳам изҳори назар кардааст, дар ин навори 12-дақиқаӣ бибинед:
Рамазон Мирзоев: Хотироти солҳои 90-ум
лутфан мунтазир бошед
### Эмбед ###

### Феълан кор намекунад ###

0:00 0:12:02 0:00

Ин навор дар Ютуб ҳам дастрас аст:

Рамазон Мирзоев соли 1945 дар деҳаи Сарсибулоқи ноҳияи Данғара таваллуд шуда, соли 1967 Донишкадаи кишоварзии Тоҷикистон ва соли 1983 Академияи илмҳои ҷамъиятӣ дар Москваро хатм кардааст. Аз ҳамон сол дар сохторҳои сохтмонии собиқ вилояти Кӯлоб ва сипас ба унвони мушовири корҳои обёрӣ дар Афғонистон кор кардааст.

Тӯли чанд сол ба ҳайси муовини вазири кишоварзии Тоҷикистони Шӯравӣ ва сипас дабири аввали Кумитаи ҳизби коммунистии ноҳияи Данғара кор кардааст. Аз соли 1995 то соли 2001 сафири Тоҷикистон дар Русия ва аз он вақт то соли 2010 сафири Тоҷикистон дар Эрон буд.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG