Пайвандҳои дастрасӣ

Охирин суханронии Барак Обама дар Маҷмааи умумии СММ


Барак Обама, президенти ИМА дар Маҷмааи умумии СММ бори охир суханронӣ кард. Вай зимни баромад аз минбари СММ гуфт, ҷаҳони муосир беш аз ҳар вақти дигар барои мубориза бо мушкилоти таърихӣ қодир аст.

Суханронии Обама дар назди иштирокдорони ҷаласаи Маҷмааи умумии СММ ҳамеша таваҷҷуҳро ҷалб мекунад. Вале ин бор тавре хабаргузории Associated Press навиштааст, мешавад онро "суруди хайрбод" дар арсаи байналмилалӣ хонд.

Обама изҳори бовар кардааст, ки роҳ ба сӯи демократия беҳтар аз роҳ ба сӯи худкомагӣ аст. Ба гуфтаи вай, матбуоти мустақил бояд қудратро назорат ва аз сӯистифодаи он пешгирӣ кунад.

"Ман фикр намекунам, ки беҳтарин намуна Амрико бошад", гуфтааст Обама. Президенти ИМА бархе кишварҳои дигарро мисол овардааст, ки дар онҳо мардум сухани худро доранд. Ӯ ҳамчунин изҳор доштааст, ки кишварҳои аврупоии блоки шӯравии пешин бо шарофати кӯшишҳояшон барои рушди демократия ба ин сатҳ расидаанд.

Барак Обама дар идома Русияро барои дахолат ба умури дохилии Украина ва Куриёи Шимолиро барои таҳдидҳои ядроияш ба ҷомеаи байналмилалӣ интиқод кардааст.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG