Пайвандҳои дастрасӣ

Татяна Короткевич - нахустин зани номзади интихоботи президентии Беларус


Комиссияи маркази интихоботии Белорус чаҳор номзади интихоботи раёсати ҷумҳуриро, ки 11 октябр баргузор мешавад, сабти ном кард.

Комиссияи маркази интихоботии Белорус чаҳор номзади интихоботи раёсати ҷумҳуриро, ки 11 октябр баргузор мешавад, сабти ном кард. Бори аввал дар ин интихобот як зан – фаъоли ҷунбиши мухолифи “Ҳавари Правду” (“Рост бигӯ”) Татяна Короткевич номзад шуд. Короткевич аз раҳбарони КМИ даъват кард, ки номзадии раиси ҷумҳури феълӣ Александр Лукашенкоро, ки аз соли 1994 сари қудрат аст, ба қайд нагиранд. “Вай эҳтимолан монда шуда, бояд ба истироҳат равад”, -- изҳор доштааст Короткевич.

Вай даъвати бархе аз фаъолони мухолифро барои радди номзадиаш ва бойкот кардани интихобот ҳамчун маъракаи ноозод ва нодилона рад намуд. Ба ғайр аз Лукашенко ва Короткевич дар ин интихобот ҳамчунин раиси Ҳизби либерал-демократӣ Сиарҳей Ҳайдукевич ва раҳбари Ҳизби ватанхоҳи Белорус Николай Улахович сабти ном шудаанд. Ду номзади дигар Виктор Терешенко ва Жана Романовская ба далели ҷамъ карда натавонистани имзои 100 000 ҷонибдорони худ номнавис нашуданд.

Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG