Пайвандҳои дастрасӣ

Паланге дар Эрон соҳиби дандони тилоӣ шуд.


Iran -- Rika - Iranian panther, July 23, 2013.

Паланги 12-солаи боғи ҳайвоноти Теҳрон бо номи Рико, ки чанд вақт инҷониб аз дарди дандон азият мекашид, моҳи гузашта як амалиёти ҷарроҳиро пушти сар намуда, соҳиби дандони тилоӣ шуд.

Имон Меъмориён-байтори боғи ҳайвоноти Теҳрон, мегӯяд,

Рико ягона паланги нари эронӣ дар тамоми боғҳои ҳавоноти Эрон аст. Муддате буд, ки дандони ашки поёни Рико аз тарафи рост соида шуд ва дандони ашки поёнаш аз тарафи чап шикаст. Бар илова ин дандонҳои соидаву шикаста варам карда, Рикоро азият медоданд. Дар сурати аз назорат дур шудани ин раванд ҳаёти рико бо таҳдид мувоҷеҳ шуда метавонист.”



Дар сӯҳбат бо Радиои Озодӣ ин байтори эронӣ илова кард, ки баъди муоинаи дақиқ домпизишкону табибони дандонсози Донишгоҳи Теҳрон барои Рико рӯкаши тилоии дандон ( коронка) таҳия намуда, дар рафти се амалиёти ҷарроҳӣ ибтидо канали дандонҳоро поккорӣ карда, сипас рӯи ду дандони ашки ин паланг рӯкашҳои тилоиро насб карданд.

Меъмориён мегӯяд, чунин амалиёти насби рӯкаши сунъӣ барои ҳайвонҳои ваҳшӣ дар қаламрави Эрон барои аввалин бор сурат гирифт. Ӯ меафзояд, ки қаблан дар Африқо ва Амрико ба юз-палангҳои африқоӣ чунин дандонҳои тилоӣ насб карда буданд, вале он натиҷаи мусбат надоштааст.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG