Доналд Трамп, раиси ҷумҳури Амрико, рӯзи сешанбе гуфт, ба сабаби мухолифатҳои назар бо мушовири амниятиаш Ҷон Болтон ӯро аз мақом барканор кард. Болтон гуфт, ки худаш рафтааст.
Қарор буд, Ҷон Болтон дар машварате дар бораи мубориза бо терроризм бо вазири молия Стивен Мнучин ва вазири корҳои хориҷӣ Майк Помпео ҳузур дошта бошад. Аммо ду соат пеш аз маҷлис Трамп ӯро бо як навиштааст дар "Твиттер" барканор кард.
Рафтани Болтон баъд аз лағви мулоқоти сиррӣ бо Толибон дар Вашингтон сурат гирифт. Қарор буд, дар нишаст хуруҷи сарбозони амрикоӣ аз Афғонистон баррасӣ шавад. Мегӯянд, Болтон мухолифи чунин созиш буд.
Тодд Белт, таҳлилгар аз Донишгоҳи Ҷорҷ Вашингтон, мегӯяд, "зоҳиран баъд аз лағви мулоқот бо Толибон мушкил ва ихтилофоте пеш омад, ки дар ниҳоят бо тарки Болтон тамом шуд."
Рафтани Болтон ҳамчунин дар замонест, ки баъзе аз талошҳои дипломатии раиси ҷумҳур Трамп барои ҳалли мушкилот бо Куриёи Шимолӣ ва Эрон идома дорад.
Ҷон Болтон солҳост, ба тағйири режим дар Эрон пойфишорӣ дорад, ки мояи бузурги нигаронӣ дар ҷумҳурии исломӣ аст. Бо рафтани ӯ, тағйири режим ҳам дар дастури кор нест ва ин фазоро барои муколамаи эҳтимолӣ байни Теҳрону Вашингтон фароҳам мекунад.
Болтонро аз тарафдорони сарсахти истифода аз нерӯи низомии Амрико медонанд. Бо вуҷуди баёнияҳои тундаш, Трамп тарафдори чунин кор нест ва бо Болтон аксаран ихтилофоти назар доштааст. Рафтани Болтон ҳамчунин дар замонест, ки дар сиёсати хориҷии Трамп ва гуруҳи амниятиаш тағйири зиёд вуҷуд омадааст.
Тодд Белт, таҳлилгар аз Донишгоҳи Ҷорҷ Вашингтон, гуфт, "муттаҳидони мо номаълумӣ ва тағйири якбораро хуш надоранд. Онҳо мехоҳанд, ҳукумат яксадо ва собит бошад, вале ҳамин чизро дар дастгоҳи раёсати ҷумҳурӣ намебинанд."
Вазири умури хориҷии Амрико Майк Помпео гуфт, рафтани Болтон тағйире дар сиёсат намеорад. Вай афзуд, "фикр намекунам, ки ҳеч як раҳбар дар ҷаҳон ба ин хулоса бирасад, ки ба сабаби рафтани як нафар сиёсати хориҷии раиси ҷумҳур тағйир ёбад."
Ҷон Болтон саввумин мушовири амнияти миллии Доналд Трамп аст, ки дар се соли ахир барканор шудааст. Қарор аст, ҷойгузини ӯро ҳафтаи оянда эълом кунанд.
Як диктотур ба дигар диктотур совет дод чи?
Режими оилави ки ба охир расида истодааст ин корхо зиёд шудан мегиранд. Ягон фарзандаш хукумрони намекунад чун таърихи хукумронии оила ба охир расида истодааст таърихи тулонии чавобгарии хар як аъзои оила аз калон то хурд ва лаганбардорони онхо сар шуда истодааст. Окибат халк бояд душманони худро то садсолахо донад ва нагузорад ки чунин хукумронон ба кудрат дубора ояд. Вакти интихоботи демократи шуд набояд аз хайр кардан пул доштан ва аз кишлоку сода будани шахс интихоб кунанд. Аз сатхи маълумот ва барномаи барои халку кишвар хуб доштан бояд амал карду ва рохбари давлатро интихоб кард.
Лукашенко гуфта буд, ки баъд аз Қазоқистон навбати Ӯзбекистон аст
Боз ҳамун Раҳмону косалесонаш мехуранду халқи бечора тамошо мекунад. Лекин рузе гушна бо шер меҷангад.
Озоди гапҳои мара чоп кунед. Баъди Помириҳоро зада куштану террорист бровардан ( ягона минтақае ки ҳаққу ҳуқуқи худро медонистанд, ва ҳеҷ вакт хурофотиву ҷаҳолатпарасту пешвопараст набуданд) дигар Тоҷикистон дар дасти хонаводаҳай чихеле мефорашон фуррр метанш. Ягона умед ба помириҳо буд, агарбоз ягон босаводш аз хориҷа дар ООН у дигар чош бпромад накна, Тоҷикистон ҳисоб кунед аз даст рафт!!!