Никол Пашиниён, пешвои тазоoҳургарон дар Арманистонро дастгир карда ва ба идораи пулиси шаҳри Ереван бурдаанд. Ӯ рӯзи 22-уми апрел баъди муддати кӯтоҳе аз мулоқоти бенатиҷааш бо нахуствазир Серж Саркиссиён дастгир шуд.
Маъмурони ниқобпӯши пулис ва дигар кормандони амниятӣ ҳангоми ҳаракати Никол Пашиниён ва чандсад тарафдораш ба ноҳияи Эребуни дар ҷануби Ереван пеши роҳи онҳоро гирифтанд. Пулис барои пароканда кардани тазоҳурот ба самти эътирозгарон норинҷакҳои садоӣ партоб кард. Пулиси Арманистон сабабҳои боздошти Пашиниёнро шарҳ надодааст.
Пештар аз ин Серж Саркиссиён, нахуствазири Арманистон дар мулоқот бо Никол Пашиниён ӯро ба “таҳдид” муттаҳам кард ва мулоқотро тарк гуфт. Никол Пашиниён бо оғози мулоқот дар меҳмонсарои Марриот дар Ереван ба ӯ гуфт, “Ман инҷо омадам, то истеъфои шуморо баррасӣ кунам”.
Серж Саркиссиён дар посух ба ӯ гуфт, ки “Ин на муколама, балки таҳдид аст” ва аз ҷояш бархост ва мулоқотро, ки дар ҳузури хабарнигорон сурат мегирифт, тарк кард.
Қабл аз тарки мулоқот Серж Саркиссиён гуфт, Никол Пашиниён бо назардошти эътилофи сиёсиаш, ки “фақат 6 ё 7 дар сади раъйи мардумро” дар интихобот ба даст овардааст, аз тарафи мардум сӯҳбат накунад ва ба ҳукумат ҳам зарбулаҷал надиҳад.
Никол Пашиниён иддао кард, ки Серж Саркиссиён, аз воқеиятҳо дур шудааст ва аз тарафдоронаш хост, ки бо теъдоди зиёдтар ба кӯчаҳо баромада ва тазоҳуроти осоишта баргузор намоянд.
Ӯ таъкид кард, то замоне, ки тазоҳурот осоишта аст, пулис набояд онро пароканда кунад. Серж Саркиссиён рӯзи 21-уми апрел гуфт, ки мехоҳад, бо пешвои мухолифон “муколамаи сиёсӣ” дошта бошад.
Худи Пашиниён рӯзи 21-уми апрел дар саҳифааш дар Фейсбук бо нашри як паёми видеоӣ гуфт: “Ман бо Серж Саркиссиён мулоқот мекунам, то шароити истеъфои ӯ ва интиқоли мусолиматомези қудратро баррасӣ намоям.”
Аммо нахуствазири Арманистон зимни як баёния гуфт, ки “Ман аз таҳаввулоти сиёсии дохилӣ амиқан нигаронам. Ба хотири ҷилавгирӣ аз талафоти ҷуброннопазир аз Никол Пашиниён мехоҳам, сари мизи муколамаи сиёсӣ бинишинад. Ва ин бояд фавран сурат бигирад.
Серж Саркиссиёнро баъди хатми 10 соли раёсати ҷумҳуриаш ду ҳафта пеш, нахуствазир интихоб карданд. Ба гуфтаи мухолифон, ба ин васила, ӯ ба раҳбари якумрии Арманистон табдил меёбад.
Соли 2015 дар як раъйпурсии умумӣ Арманистон салоҳиятҳои раиси ҷумҳурро кам кард ва ба нахуствазир дод.
Бо авҷ гирифтани тазоҳурот дар Ереван, Никол Пашиниён рӯзи 21-уми апрел бо раиси ҷумҳур Армен Саркиссиён мулоқот кард. Раиси ҷумҳур дар иҳотаи муҳофизонаш ба майдон омад, дасти Пашиниёнро фишурд ва баъди 10 дақиқа гуфтӯгу бо ӯ, майдонро тарк кард.
Дар ин ҳангом, тазоҳургарон фарёд мекашиданд, ки раиси ҷумҳур Серж Саркиссиёнро ҳимоят накунад.
Бо вуҷуди сард шудани ҳаво дар рӯзи 21-уми апрел садҳо нафар дар Ереван ҷамъ омада ва тазоҳуротро идома доданд. То кунун дар ҷараёни намоишҳои эътирозӣ, ки як ҳафта боз идома доранд, маъмурони пулис садҳо нафарро дастгир кардаанд. Маъмурони амниятӣ гуфтанд, ки ду нафарро, ки мехостанд, дар маконҳои ҷамъиятӣ бомбгузорӣ анҷом бидиҳанд, дастгир кардаанд.
Иёлоти Муттаҳидаи Амрико мақомот ва тазоҳургаронро ба хештандорӣ даъват кардааст, Русия гуфтааст, ки ба қонун эҳтиром бигузоранд. Сомони Амният ва Ҳамкории Аврупо аз мақомоти Арманистон хост, ба ҳуқуқи мардум барои озодии гирдиҳамоӣ эҳтиром бигузоранд.
Кучо донад Ч,амшуд кадри забонро. Кучо донад Равшан таърихи Точиконро. Нависад дар шабака,пайем бо садхо хато. Надонад шеъри Рудакиву Саъдиву Хайемро
Доллар ба Точикистон омада рост Швейцария равонаш мекунанд ба миллиард расидаги хаст мушкили дар он аст ки намехохан ба давлат баргардонан
Хурокро бе руган пухтан чойро бе шакар истифода бурдан даркор ба пеш Точикистон
Меня самого шантажировала одна женщина
Janobi Isfandijori Odil ,"yavosh-yavosh" tarafdoraton nestam. Megued kori hat chist ba dinzadagii mardum,ohir in hamin hat ast,ki digar har shalu kur pojbandi olami noozodu gulomdorii arabu fors memonad,chun zindagii arabu fors az asri 7 shuru meshadu hamonjo ohir mejobad.Holo mo tojikon agar 3000 jangii beshuur dorem, pas az hatti arabiasos intizori 3mln. shaved. YAk olam tashakkur, ba mehmoni hubu dilsuzi tojikon Mehryori Mehrofarin.