Пайвандҳои дастрасӣ

Инфиҷор дар масҷиди шаҳри Шероз


Маҳалли таркиш дар масҷиди Шероз таҳқиқ мешавад

Шаби 12 апрел дар натиҷаи як инфиҷор дар шаҳри Шерози Эрон 12 нафар кушта ва беш аз 202 нафари дигар захмӣ шуданд.

Таркиш дар яке аз масҷидҳои шаҳри Шероз, остони Форс, ҳангоми гузаронидани як маъракаи мазҳабӣ рух додааст. Гуфта мешавад, қаблан дар ин масҷид яке аз руҳониёни маҳаллӣ ҳини амри маъруф дар назди намозгузорон ваҳҳобиҳо ва баҳоиҳоро мавриди интиқоди шадид қарор додааст.

Ҳануз иллати таркиш эълон нашудааст. Яке аз ривоятҳои қаблӣ ин аст, ки дар маҳалли ҳодиса бомби худсоз таркидааст. Аммо мақомоти Эрон мегӯянд, инфиҷор эҳтимолан ба сабаби саҳлангорӣ сурат гирифтааст. Раиси идораи пулиси устони Форс Алии Муайирӣ гуфт, шояд муҳимоти ҷангие, ки аз намоишгоҳи пешина бахшида ба солгарди ҷангҳои Эрону Ироқ таркида бошад. Маҳалли ҳодиса аз сӯи мақомоти амниятии ин кишвар таҳқиқ мешавад.

Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG