Сиёсатмадори либерал Борис Немтсов номзадиашро аз сабқати президентии Русия канор кашид. Ба гуфти номбурда мухолифин бояд номзади ягона дошта бошанд. Дар як изҳорот Немтсов: собиқ муовини сарвазири Русия ва номзади ҳизби Иттиҳоди нерӯҳои ростгаро (СПС) навиштааст, ки Кремл интихоботи президентиро ба мазҳака табдил додааст. Дар изҳороти ӯ таъкид шудааст, ки мухолифин ба номзади воҳид эҳтиёҷ доранд ва аз ин рӯ, ӯ ба қароре омадааст, ки номзадиашро аз сабқати президентӣ берун кашад.