Пайвандҳои дастрасӣ

Конфронси Шурои амнияти Созмони Милали Муттаҳид дар бораи гармоиши замин ба марҳалаи ниҳоии худ наздик мешавад.

Дар ин конфронс роҳҳои коҳиши гозҳои гулхонаӣ, ки ба иқлими сайёра таъсир мерасонад, баррасӣ шуд.

Эътибори Протоколи Киото дар бораи коҳиши гозҳои гулхонаӣ соли 2012 ба поён мерасад. Ба ин далел, ширкаткунандагони конфронси Балӣ маҷмуъи тадобиреро баррасӣ карданд, ки тибқи он бояд то соли 2020 кишварҳои санъатии ҷаҳон гозҳои гулхонаии худро аз 25 то 40 дарсад коҳиш диҳанд.

Аммо Амрикову Ҷопон ва баъзе кишварҳои дигар ба чунин тадобир мухолифат нишон доданд ва гуфтанд, ки ин тадобир доманаи музокиротро маҳдуд мекунад.

Иттиҳодияи Аврупо Амрикоро муттаҳам кардааст, ки ба чунин тавофуқот мухолиф аст. Ин Иттиҳодия таҳдид кардааст, ки моҳи оянда дар мулоқоте, ки роҷеъ ба тағири иқлим Амрико баргузор мекунад, ширкат нахоҳад кард.

Тафсилоти Конфронси Балӣ дар наздиктарин фурсат дар сомонаи Озодӣ нашр мешавад.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG