Реҷеп Тайип Эрдуғон-нахуствазири Туркия гфтааст, вай аз Амрико хоҳад хост, ки барои муттаваққиф сохтани фаъолияти курдҳои шуришӣ дар шимоли Ироқ тадобири фаврӣ андешад. Интизор меравад, ки Реҷеп Тайип Эрдуғон 5-уми ноябр барои гуфтугу бо Ҷорҷ Буш-раиси ҷумҳури Амрико ба Вошингтон сафар кунад. Таҳлилгарон мегуянд, ин гуфтугуҳо хеле муҳим аст, зеро Туркия бояд тасмим бигирад, ки аз таҳдидҳои худ бар зидди шуришиёни курд барои аз байн бурдани пойгоҳҳои онҳо дар шимоли Ироқ даст хоҳад кашид ё хайр.
