Президенти Бонки Осиёии Рушд истеъфо дод

сентябр 09, 2024

Асакава аз моҳи январи соли 2020 президенти БОР буд

Президенти Бонки Осиёии Рушд, ки яке аз кумакрасонҳои асосии Тоҷикистон мебошад, аз мақомаш истеъфо дод. Дафтари матбуоти БОР 9-уми сентябр эълон кард, ки Масатсугу Асакава охири моҳи феврали соли 2025 аз мақомаш меравад.

Асакава аз аввали соли 2020 мудири Бонки Осиёии Рушд буд.

БОР яке аз ниҳодҳои молии ҷаҳонӣ аст, ки ба Тоҷикистон қарзу грантҳои зиёд медиҳад. Аз ҷумла Бонки Осиёии Рушд моҳи августи имсол эълон кард, ки барои навсозии неругоҳи «Сарбанд» ба Тоҷикистон 71 миллион доллар грант ё маблағи бебозгашт ҷудо мекунад.