Вазорати дифои ИМА мегӯяд, ҳамлаи рӯзи 9-уми август ба пойгоҳи Амрико дар Сурия, кори дасти неруҳои тарафдори Эрон аст.
Патрик Райдер, сухангӯи Пентагон 13-уми август ба хабарнигорон гуфт, дар пайи ҳамлаи паҳподӣ ба пойгоҳи ин кишвар дар Сурия, ҳашт сарбоз маҷруҳ шудаанд. Сарбозон аз сарашон осеб гирифтаанд ва ба гуфтаи сухангӯи Пентагон се нафарашон ба ҷойи корашон баргаштаанд.
Патрик Райдер афзуд, Иёлоти Муттаҳида бовар дорад, неруҳои таҳти ҳимояти Эрон пушти ин ҳамла ҳастанд. Аммо Пентагон дар ҳоли баррасии мавзуъ аст то мутмаин шавад ҳамла кори кадоме аз ин гуруҳҳо будааст.
Хабари ҳамла ба пойгоҳи ИМА-ро нахустин шуда, хабаргузории Ройтерз нашр карда буд. Ба қавли манбаъ, дар пайи ҳамлаи дронҳо ба чанд сарбози амрикоӣ ва эътилофи байнулмилалӣ маҷруҳ шуданд.
