Дар ин бора хабаргузории Ройтерз бо такя ба мақомоти Ғазза хабар додааст, ки таҳти назорати Ҳамос аст ва ин созмонро Амрикову Иттиҳоди Аврупо гурӯҳи террористӣ медонанд. Исроил гуфтааст, ки мактабро барои он ҳадаф гирифт, ки дар онҷо як қароргоҳи фармондеҳии Ҳамос ҷойгир буд.
Исроил гуфт, масъулияти марги ғайринизомиён бар дӯши Ҳамос аст, ки мактабу хонаҳои истиқоматиро ба пойгоҳу паноҳгоҳ табдил додааст. Хабаргузории Ассосиэйтед Пресс навиштааст, ки ҳамлаи ҳавоӣ маргботарин ҳамлаи Исроил дар ҷанги даҳмоҳа байни ин кишвар ва Ҳамос аст.
Дар мактаб фаластиниёне зиндагӣ мекардаанд, ки ба сабаби ҷанг хонаҳояшонро тарк карда буданд. Шоҳидон гуфтаанд, ки нерӯҳои Исроил бидуни ягон огаҳӣ ва ҳангоми намози бомдод ба мактаб бо ду мушак зарба задаанд.
