Достиёров аз сӯи кормандони пулис замоне боздошт шуд, ки мехост ба шаҳри Конаев рафта, дар мурофиаи додгоҳии рӯзноманигор Думан Муҳаммадкарим иштирок кунад.
Достиёров дар нақзи қонуни ташкили ҷамъомадҳои осоишта ҳангоми баргузории мурофиаи Муҳаммадкарим дар Додгоҳи шаҳри Конаев гунаҳкор дониста шудааст. Мурофиаи додгоҳии фаъоли маданӣ дар шуъбаи пулис баргузор шудааст.
Муҳаммадкарим аз моҳи июни соли 2023 дар ҳабс қарор дорад. Ӯро дар "сармоягузории экстремизм" ва "иштирок дар созмони мамнуъ" айбдор мекунанд. Нисбати Думан Муҳаммадкарим пас аз мусоҳиба бо мухолифи фирории ҳукумати Қазоқистон Мухтор Аблязов парванда боз карданд.
Айбдоркунандаи давлатӣ дар мурофиаи 29 июл аз додрас хост, ки Думан Муҳаммадкаримро 7 сол зиндонӣ ва ҳамчунин ба муҳлати 3 сол аз ҳаққи фаъолиятҳои сиёсӣ ва иҷтимоӣ маҳрум шавад.
