Бар асоси барномаи конфронс, дар оғоз раиси ҷумҳур Эмомалӣ Раҳмон, мудири ЮНЕСКО ва муовинони президент аз чанд кишвари африқоӣ сухан мегӯянд. Дар назар аст, нишаст то 13-уми июн идома кунад.
Мақомоти Тоҷикистон ҳамеша бо ифтихор мегӯянд, ки бо пешниҳоди Душанбе Созмони Милал чанд қатъномаи вобаста ба обро қабул кардааст. Мунтақидон мегӯянд, дар дохили Тоҷикистон то ҳанӯз як қисми аҳолӣ ба оби ошомиданӣ дастрасӣ надоранд.