Ба тарфдории Модӣ тамоми намояндагони "Иттиҳоди миллии демократӣ" овоз доданд. Ҷонибдорони ӯ аз 543 курсӣ дар порлумон 293 курсиро соҳиб шуданд.
Модии 73-сола аз соли 2014 сарвазири Ҳиндустон аст.
Мухолифонаш ӯро дар саркӯби ақаллиятҳои мусалмони ин кишвар айбдор мекунанд. Худи Модӣ рад намекунад, ки миллатгарои ҳинду аст, вале мегӯяд, мусалмонҳоро саркӯб накардааст.
Дар замони раҳбарии Модӣ фишор ба мусалмонҳо дар Ҳиндустон бештар шуд ва ҷангҳои мазҳабӣ ҳам афзоиш ёфт.
