Як сокини шаҳри Турсунзода, ки мақомот ва хешовандонаш ӯро "бемори рӯҳӣ" номиданд, ду масҷидро оташ задааст.
Кумитаи дин, танзими анъана ва ҷашну маросими миллии Тоҷикистон хабар дод, ки ҳодиса рӯзи 28-уми апрел рӯй дод.
Ба иттилои сухангӯйи Кумита, Афшини Муқим, масҷиди панҷвақтаи деҳаи Зиёраттут нобуд шуда, масҷиди Сангқалъа қисман сӯхтааст.
Падари Д.Б.-и 32-сола гуфтааст, писараш бемории рӯҳӣ дорад ва дар хона назорат мешуд, аммо рӯзҳои охир фирор карда буд.
Ба қавли пайвандон, ҳоло ӯро дар бемористони касалиҳои рӯҳии ноҳияи Рӯдакӣ ҷой кардаанд.
Гуфтугӯ