Мулоқоти навбатии сарони кишварҳои Осиёи Миёна 21-уми июл дар Қирғизистон баргузор хоҳад шуд.
Ба иттилои дафтари матбуотии президенти Қирғизистон, раисҷумҳур Содир Ҷабборов 4-уми июл дар як суҳбати телефонӣ бо ҳамтои узбекаш Шавкат Мирзиёев масъалаҳои марбут ба омодагиҳо ба нишаст ва рӯзномаи онро баррасӣ кардааст.
Манбаъ афзудааст, "тамоми раҳбарони кишварҳои Осиёи Марказӣ аллакай даъватро пазируфтанд".
