Эмомалӣ Раҳмон, раиси ҷумҳури Тоҷикистон, рӯзи 30-юми июн бо президенти Қирғизистон Содир Ҷабборов суҳбати телефонӣ анҷом додааст.
Мақомот гуфтанд, суҳбат бо ташаббуси ҷониби Қирғизистон сурат гирифт. Дар Бишкек дар ин бора ишорае накардаанд.
Дафтари матбуоти раёсати ҷумҳури Тоҷикистон хабар дод, ки ду тараф масъалаҳои марбут ба муносибатҳои ду кишварро баррасӣ карданд.
Дар баёнияи расмӣ омадааст, сарони давлатҳо ба мувофиқа расиданд, ки муколамаи сиёсиро, ки “ба таҳкими ҳамсоягии неки ду давлат ва мардум нигаронида шудааст”, идома диҳанд.
Дафтари матбуоти президенти Қирғизистон низ ба ин монанд иттилоъ дод.
Тоҷикистону Қирғизистон бештар аз як сол аст, ки ба сабаби ҷангу хунрезӣ дар марзи аломатгузориношудаи ду кишвар робитаҳои хуб надоранд.
