Роҳи Хоруғ-Қулма, ки Тоҷикистонро ба Чин васл мекунад ва чаҳор рӯз боз баста буд, пас аз зуҳри 20-уми май кушода шудааст.
Роҳро мардуми норозӣ баста буданд. Мақомот онҳоро узви гуруҳҳои ҷиноӣ меноманд.
Кушодани роҳи Хоруғ-Қулма яке аз талабҳои мақомоти Тоҷикистон буд.
Яке аз фаъолони Бадахшон рӯзи 20-уми май ба Радиои Озодӣ гуфт, кушодани роҳ пас аз музокироти намояндагони ҳукумат ва эътирозгарон имконпазир шудааст.
“Пас анҷоми музокирот санги роҳро бардоштанд. Ҳоло дар роҳи байнулмилалии Душанбе-Хоруғ-Қулма монеае нест ва мошинҳои боркаш дар ҳоли ҳаракатанд,” -- гуфт ҳамсуҳбати мо.
Тафсилоти музокираи ҷонибҳо маълум нест.
