Вазорати умури хориҷии Украина гуфт, неруҳои Русия ба як масҷиде дар шаҳри Мариупол зарба задаанд, ки дар он 80 нафар аз ҷумла кӯдакон ва шаҳрвандони Туркия паноҳ мебаранд.
Вазорат дар ин бора рӯзи 12-уми март хабар дод. Мақомоти Украина неруҳои Русияро ба ҳамла аз тӯпхона ба роҳҳое муттаҳам мекунанд, ки аз он роҳҳо мардумро ба ҷойҳои амн мебаранд. Онҳо мегӯянд, неруҳои Русия намегузоранд, ки ғайринизомиён аз ин шаҳри 430 000 нафарӣ берун раванд.
Вазорати умури хориҷии Украина дар Твиттер навишт, ки “Масҷиди Султон Сулаймони бузург ва ҳамсараҳ Хуррам Султон дар шаҳри Мариупол аз тарафи таҷовузгарон тирборон шудааст. Дар инҷо бештар аз 80 кӯдаку калонсол аз тирандозӣ пинҳон шудаанд, аз ҷумла шаҳрвандони Туркия.” Вазорат нагуфтааст, касе дар ин ҳамлаҳо кушта ва маҷруҳ шудааст, ё не.
