Пайвандҳои дастрасӣ

Хабари нав

Писари як миллиардери наздик ба Путин “мақом” гирифт


Роман Ротенберг

Роман Ротенберг, писари як миллиардери наздик ба президенти Русия Владимир Путин, ки ҳеч таҷрибаи ҳоккейро надоштааст, мураббии дастаи ҳоккейи "СКА"-и Санкт-Петербург таъйин шуд.

Дастаи "СКА" яке аз бошгоҳҳои муҳимтарини Лигаи континенталии ҳоккей ба шумор меравад.

Падари Роман Ротентерг - Борис Ротенберг, яке аз сарватмандтарин шахсони Русия ва дӯсти даврони кӯдакии президенти Русия аст.

Молики дастаи "СКА"-и Санкт-Петербург ширкати азими "Газпром" ва раиси он Геннадий Тимченко - дӯсти дигари Владимир Путин мебошад.

Роман Ротенберг ҳеч гоҳ мураббӣ ё ҳоккейбози касбӣ набудааст. Ӯ соли 2019 аз Донишгоҳи Сибир муҷаввизи мураббӣ дастрас намудааст.

Моҳи сентябри гузашта Роман Ротенберги 40-сола аснои мусоҳиба бо телевизиони варзишии "Матч ТВ" гуфта буд, ки аз соли 2014 камаш 800 қувваозмоии ҳоккейро тамошо кардааст ва ин таҷрибаи ба истилоҳ "ҷиддӣ" мебошад.

Шарҳҳоро бинед (2)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!

XS
SM
MD
LG