Агентии ИМА оид ба рушди байналмилалӣ (USAID) рӯзи 5-уми октябр аз оғози тарҳи нави панҷсолаи 19-миллион долларӣ оид ба рушди савдо дар Осиёи Марказӣ хабар дод. Ҳама кишварҳои минтақа - Қазоқистон, Қирғизистон, Тоҷикистон, Туркманистон ва Узбекистон дар ин тарҳ иштирок мекунанд. Дар доираи ин тарҳ тиҷорати минтақавӣ, рушди корхонаҳо ва раддубадалҳои минтақавӣ пешбинӣ мешавад.
Дар изҳороти матбуотии USAID омадааст, ки тарҳи мазкур барои расидан ба се ҳадафи стратегӣ мусоидат мекунад. Ин - фаъолият барои ҳамоҳангсозии расмиёти гумрукӣ ва сарҳадӣ бо мақсади кам кардани хароҷоту вақти интизорӣ, муколамаи байни бахшҳои давлатӣ ва хусусӣ ба хотири ислоҳоти судманд, ки ба афзоиш ва ҷалби бештари сармоягузорӣ мусоидат мекунад ва ниҳоят фаъолият ҷиҳати афзоиши тиҷорати фаромарзӣ байни ширкатҳои минтақа ва ҷаҳон мебошанд.
USAID мегӯяд, аз соли 1991 то имрӯз ҳукумати ИМА ба Тоҷикистон дар ҳаҷми беш аз 1 миллиард доллар кӯмак кардааст ва 650 миллион доллари ин маблағ тавассут Агентии рушди байалмилалӣ дода шудааст.
