Пайвандҳои дастрасӣ

Хабари нав

Тошканд хостори 14 парвози доимӣ байни Узбекистон ва Русия шуд


Дар фурудгоҳи Тошканд
Дар фурудгоҳи Тошканд

Узбекистон ба Русия пешниҳод кардааст, ки шумораи парвозҳои доимӣ байни ду кишвар то ба 14 адад дар як ҳафта расонида шавад. Ин масъала дар сӯҳбати сарвазирони ду кишвар Абдулло Орипов ва Михаил Мишустин дар Маскав баррасӣ шудааст. Мақомоти узбек ҳамчунин хостори барқарор шудани ҳаракати поездҳои мусофирбар шудаанд. Феълан миёни Узбекистону Русия ба мисли Тоҷикистон ҳафтае 4 маротиба парвозҳои мунтазам амалӣ мешаванд. Русия бошад, аз дирӯз, парвозҳояшро бо Туркия барқарор кард.Хабаргузории Риа-Новости менависад, қарор дар бораи азсаргирии парвозҳои доимӣ ва чартерӣ миёни ду кишвар пас аз сафари ҳайати Русия ба Туркия ва тибқи хулосаи мутахассисон қабул карда шуд. Равуои ҳавоӣ миёни ин ду давлат бинобар номусоид шудани вазъи эпидемилогӣ аз 15-уми апрели имсол маҳдуд гашта буд. Гуфта мешавад, барқароршавии парвозҳоро беш аз 1 миллион сайёҳони Русия ки пештар натавонистанд барои истироҳат ба Туркия сафар кунанд интизор буданд.

XS
SM
MD
LG