Пайвандҳои дастрасӣ

Хабари нав

Шикоят ба Додгоҳи Гаага: "Тоҷикистон дар саркӯби уйғурҳо ба Чин кумак мекунад"


Яке аз марказҳои нигаҳдории ӯйгурҳо дар Чин.

Гуруҳи уйғурҳо аз Додгоҳи байналмилалии ҷиноӣ (ДБҶ) дархост доранд, ки хабарҳо дар бораи таъқибу саркӯби уйғурҳо ва ақалиятҳои дигари мусулмони Чин аз сӯи Пекинро таҳқиқ кунад.

Чин узви ДБҶ нест ва бинобар ин, ҳоло додгоҳи Гаага наметавонад тафтишотро зидди Пекин оғоз кунад. Вале оғози тафтишот алайҳи кишварҳои ба истилоҳ, "ёрирасон" ба Чин имкон дорад ва дар миёни ин кишварҳо номи Тоҷикистон низ гирифта шудааст.

Вакилони дифои гуруҳи уйғурҳо ба ДБҶ далелҳои наверо пешниҳод кардаанд, ки гӯё ҳамкориҳои ҳукумати Тоҷикистон бо Пекинро дар баргардонидани уйғурҳо ба Чин нишон медиҳад.

Бояд гуфт, Тоҷикистон ягона кишваре нест, ки дар шикоятнома ба ДБҶ номаш гирифта шудааст. Дар он ҳамчунин номи Камбоҷа низ ҳаст, ки гӯё дар боздошт ва истирдоди ғайриқонунии уйғурҳо ба Чин даст дорад.

Хабарҳои нашршуда дар ин замина тасдиқ мекунанд, ки мақомоти Чин беш аз як миллион уйғур ва ҳазорҳо намояндаи ақалиятҳои дигари мусулмонро дар урдугоҳҳои ба истилоҳ, "бозтарбия" дар ҳудуди минтақаи Шинҷон нигаҳ медоранд.

Вале Пекин ин урдугоҳҳоро "марказҳои бозомӯзиии сиёсӣ" номида, мегӯяд, барои мубориза бо ифротгароӣ ташкил шудаанд.

XS
SM
MD
LG