Пайвандҳои дастрасӣ

Хабари нав

Лавров созиши Тоҷикистону Қирғизистонро ситоиш кард. ВИДЕО


Сергей Лавров. Шаҳри Душанбе, 19-уми майи 2021

Вазири корҳои хориҷии Русия аз созиши Тоҷикистону Қирғизистон барои хатми задухӯрдҳои мусаллаҳона дар марз ситоиш кард. Сергей Лавров рӯзи 19-уми май, пас аз мулоқот бо вазири умури хориҷии Тоҷикистон, Сироҷиддин Муҳриддин, дар Душанбе гуфт:

"Мо дар бораи намунаи мусбати аз низоъ ба ҳамкорӣ гузаштан гуфтем, ки Тоҷикистону Қирғизистон нишон медиҳанд. Бисёр шодем, ки даргирӣ гузашт ва кишварҳо ба делимитатсия ва демаркатсияи хатти марз шуруъ карданд. Фикр мекунам, ин намунаи беҳтарин барои тамоми қаламрави пасошӯравӣ аст, ки бо сабабҳои маълум хатти марзҳо дуруст кашида нашудааст ва имрӯз бояд ҷоннок карда шавад."

Наворро дар ин ҷо бинед:

Вазирони тоҷику рус дар бораи муҳоҷирон ва марз чӣ гуфтанд?
лутфан мунтазир бошед

Феълан кор намекунад

0:00 0:03:20 0:00

Низоъ дар марзи Тоҷикистону Қирғизистон рӯзҳои 28 ва 29-уми апрел рӯй дод. Ду кишвар 970 километр сарҳад доранд ва аз ин ҳисоб зиёда аз 400 километраш муайяну нишонагузорӣ нашудааст.

Мақомоти Тоҷикистон мегӯянд, дар ҷанҷоли ахири марзӣ 19 кас кушта ва 87 кас захмӣ шуд. Ҷониби Қирғизистон эълон кард, ки дар ин ҳодиса 154 шаҳрванди он кишвар маҷруҳ шуда, 36 кас, аз ҷумла ду кӯдак ҷон бохтаанд.

Бишкеку Душанбе якдигарро ба оғози ҳамлаи мусаллаҳона муттаҳам ва ба таври ҷудогона ҳодисаро таҳқиқ мекунанд.

Русия рӯзи 30-юми апрел эълон кард, ки омодааст, барои ҳалли масъалаҳои баҳсноки марзи Тоҷикистону Қирғизистон аз роҳи сиёсиву дипломатӣ мусоидат кунад. Дертар ин мавзуъ дар мулоқоти раҳбарони Тоҷикистону Русия рӯзи 8-уми май дар Маскав баррасӣ шуд. Қарор аст, раиси ҷумҳури Русия ва президенти Қирғизистон 24-уми май дар Сочи гуфтугӯ кунанд.

XS
SM
MD
LG