Дар Қазоқистон дар давоми як шабонарӯзи охир 571 ҳолати нави мубталошавӣ ба коронавирус сабт шудааст.
Аз ҳама бештар ҳолатҳои нав дар шаҳри Алмато ошкор гаштааст. Дар ин шаҳр рӯзи 8-уми март 118 ҳолати нави гирифторӣ ба коронавируси навро сабт кардаанд.
Дар миёни вилоятҳои Қазоқистон аз нигоҳи шумори ҳолатҳои нав вилояти Акмолин пешсаф аст. Дар давоми як рӯзи охир гирифтории 73 сокини вилоят ба коронавирус тасдиқ гаштааст.
Аз моҳи марти соли гузашта то ба ҳол дар Қазоқистон мубталошавии 219 325 кас ба коронавируси нав тасдиқ шудааст. Бино ба иттилои расмӣ, 2 819 шаҳрванди ин кишвар бар асари коронавирус ҷон додаанд.
