Пайвандҳои дастрасӣ

Хабари нав

Раҳбари Samsung ба 30 моҳи зиндон маҳкум шуд


25 августи соли 2017. Ли Ҷе-Йони 52-сола, раҳбари Samsung барои додани пора ба як шарики Пан Кин-Хе, собиқ президенти Кореяи Ҷанубӣ ба панҷ соли зиндон маҳкум шуд, вале як сол баъдаш бар асоси қарори додгоҳи таҷдиди назар озод гардид
25 августи соли 2017. Ли Ҷе-Йони 52-сола, раҳбари Samsung барои додани пора ба як шарики Пан Кин-Хе, собиқ президенти Кореяи Ҷанубӣ ба панҷ соли зиндон маҳкум шуд, вале як сол баъдаш бар асоси қарори додгоҳи таҷдиди назар озод гардид

Дар Кореяи Ҷанубӣ додгоҳ муовини раиси ширкати Samsung Electronics, азимтарин истеҳсолкунандаи телефонҳои ҳушманд дар ҷаҳонро бо иттиҳоми фасод ба 2,5 соли зиндон маҳкум кард. Ли Ҷе-Йони 52-сола дар аввал соли 2017 барои додани пора ба як шарики Пан Кин-Хе, собиқ президенти Кореяи Ҷанубӣ ба панҷ соли зиндон маҳкум шуд. Ӯ ин иттиҳомотро рад кард ва дар паи бозбинӣ шудани ҳукмаш баъди як соли ҳабс озод гардид. Вале баъдан Додгоҳи олӣ ин парвандаро бозпас ба Додгоҳи олии Сеул фиристод ва рӯзи 18-уми январ додгоҳ ҳукми нав содир кард. Ин ҳукм ҳам метавонад дар Додгоҳи олӣ бозбинӣ шавад, вале шонси кам дорад, ки тағйир ёбад. Ширкати Samsung як маҷмаи азими тиҷоратист, ки аз ҷониби як оила назорат мешавад ва дар иқтисоди Кореяи Ҷанубӣ ҷои аввалу дар ҷаҳон ҷои 12-умро ишғол мекунад. Бо сабаби бемори рӯи ҷогаҳ будани падараш Ли Ҷе-Йон давоми чандин сол раҳбарии воқеии Samsung-ро ба ӯҳда дошт. Моҳи октябр падари ӯ даргузашт.

XS
SM
MD
LG