Пайвандҳои дастрасӣ

Хабари нав

Акмалиддин Каримов: Орзуи ман қаҳрамони ҷаҳон шудан аст. ВИДЕО 


Акмалиддин Каримов

Акмалиддин Каримов, паҳлавони маъруфи тоҷик, дар мусобиқаи қаҳрамонии самбои ҷаҳон дар Сербистон медали нуқра ба даст овард ва ин натиҷаи беҳтарини варзиши тоҷик дар риштаҳои ғайриолимпӣ дар соли 2020 мебошад.

Медали нуқраро Акмалиддин Каримов дар рақобатҳо дар вазни то 57 кило ба соҳиб шуд. "Дар се қувваозмоӣ ба рақибонам аз Фаронса, Узбекистон ва Украина пирӯз шуда, ба финал баромадам. Дар қувваозмоии ниҳоӣ рақиби ман Владимир Гладких аз Русия буд. Танҳо аз рӯи як огоҳӣ қувваозмоиро ба ӯ бохтам", - гуфт ӯ.

Гузориши видеоӣ дар инҷост:

Акмалиддин Каримов: “Орзуи ман қаҳрамони ҷаҳон шудан аст”
лутфан мунтазир бошед

Феълан кор намекунад

0:00 0:04:16 0:00

Медали нуқра дар қаҳрамонии ҷаҳон барои Акмалиддин Каримов ҳафтумин ҷоиза аст. Ӯ 11 бор дар қаҳрамонии самбои ҷаҳон ширкат кард, дар рақобатҳо дар вазни то 57 кило чаҳор медали нуқра ва се медали биринҷӣ гирифтааст.

Бо вуҷуди мушкилиҳо Акмалиддин Каримов мавсими имсоларо бобарор арзёбӣ мекунад. Вай мегӯяд, талошаш барои ба даст овардани зинаҳои аз ин ҳам баландтар аст. "Орзуи ягонаи ман қаҳрамони ҷаҳон миёни бузургсолон шудан аст", - мегӯяд ӯ.

Чанд рӯз пеш Акмалиддин Каримов бо ҷоизаи «Беҳтарин варзишгари сол дар намудҳои ғайриолимпӣ», ки онро Кумитаи кор бо ҷавонон ва варзиши Тоҷикистон таъсис додааст, сарфароз гардид.

Аз ин пеш ӯ дар рӯйхати даҳ варзишгари беҳтарини соли 2020, ки онро Ассостиатсияи журналистони риштаи варзиши Тоҷикистон бар асоси назархоҳии намояндагони расонаҳои хабарӣ тартиб дода буд, дар мақоми севум қарор дошт.

Шарҳҳоро бинед (4)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG