Аз меҳмонхонаи "Avenir Montmartre" дар Париж манзараи манораи Эйфел ва калисои Сакре-Кёр хуб намоён аст. Маҳз ин вижагӣ сайёҳони зиёдеро ба меҳмонхонаи мазкур ҷалб мекард.
Имсол дар пайи хуруҷи коронавирус ҳуҷраҳои он холӣ монд. Акнун, меҳмонхона дари худро ба рӯйи афроди бесарпаноҳ боз кардааст.
Раҳбарияти меҳмонхона ҳуҷраҳои холиро барои як сол ба созмони хайриявии "Emmaus Solidarite" тақдим кард. Ин созмон ҳам дар ҳуҷраҳо онҳоеро ҷой мекунад, ки бе ҷойи зист мондаанд.
Агар ин иқдом ва ин ҳуҷраҳои меҳмонхона намебуд, эҳтимол дошт Иброҳим, паноҳанда аз Малӣ, дар ошхонаи як тарабхона ва ё умуман дар кӯча шабро рӯз мекард.
"Ман ҳар рӯзе, ки дар ин ҷо мехобам, дар бораи зиндагии худ фикр мекунам. Медонед, пештар пайдо кардани ҷой барои шабгузаронӣ хеле мушкил буд. Вале ҳоло ман ин ҷо ҳастам. Вақте аввалин бор вориди ин ҳуҷра шудам, ба худ гуфтам, "Олӣ аст! Рӯзе зиндагии ман тағйир меёбад. Ман соҳиби хонаи шахсӣ, ҷойи кор ва мисли дигарон, соҳиби зиндагии хуб мешавам",--мегӯяд, Иброҳим, паноҳанда аз Малӣ.
Маблағи ҳуҷраҳоеро, ки ба афроди бехона пешниҳод шудааст, созмони хайриявӣ аз ҳисоби кӯмакпулии давлат пардохт мекунад. Ба меҳмонон дар ин ҷо 3 вақт хӯрок пешниҳод мешавад ва ҳар ҳуҷра бо телевизору шароитҳои дигар таъмин аст.
Бруно Морел, роҳбари кули созмони "EMMAUS SOLIDARITE" дар ин бора гуфт: "Ин ҷо ҳоло одамоне зиндагӣ доранд, ки қаблан дар кӯча мезистанд. Онҳое ҳастанд, ки робитаҳои иҷтимоии худро кандаанд, аз хонаводаҳои худ ҷудо шудаанд ва ё онҳое, ки таҷрибаи талхи муҳоҷиратро аз сар гузаронидаанд. Мо тамоми имкониятҳоро истифода мебарем, то онҳоро нигоҳубин кунем, шароиташонро бифаҳмем ва кӯшиш кунем, ки зудтар ба имтиёзҳо дастрасӣ пайдо кунанд".
Моҳи январи соли гузашта шаҳрдории Париж дар хиёбонҳои ин шаҳр 3600 афроди бесарпаноҳу оворагардро ошкор кард. Ба гуфтаи хайрхоҳон, кӯмаку дастгирии онҳо сабаб мешавад то ин гуруҳи одамон барои худ ҷойи кор ва макони зисту ҳаққи иқомат дар Фаронсаро пайдо кунанд ва аз вартаи камбизоатӣ берун оянд.
Офарин. Мо бояд бо сулху вахдат кишварро обод кунем. Бадахшон як пораи чисму чони Точикистон аст. Мо хама хамзабону як халкем. Хазорсолахо якчоя ин ватанро сохтему дар ободиаш сахм гузоштем. Ба пеш бародарон барои гулгуншукуфоии Ватан. Хамаи хубихо аз сулх сарчашма мегирад!!!!
Омбудсмени Тоҷикистон: -Ҳами обмудсменуш чыяй?
Мардум бо санг мезанад, хукумат бо ярок, ин чи хели хукуматаст? Марду аз хаки худ дифо карданд. Хукумат факат мехохад мардумро дар тарсу харос нигох дорад. Монед мардум зиндагии худро пеш барад, бас аст
Масалаи Хоругам хал кардан масалаи бе баркиро кай хал мекарда бошан дар Рудаки соат 21:30 кувваи баркро хомуш кардан додмона ба ки гуем?
Navishtahoi Zevarbonu hama huband ,ba juz in. Dar hakikat hukumati mo korhoi hom zijod dorad , vale konunu koidaro boyad rio kard... Mehohi ozod boshi -gulomi konun bosh!