Мақомоти Русия гуфтанд, ки Светлана Тихановская, раҳбари мухолифони Белорусро дар рӯйхати шахсони таҳти ҷустуҷӯ қарор додаанд. Тихановская дар интихоботи 9-уми августи имсол номзад ба мансаби президенти Белорус буд ва ҳоло дар Аврупо аст. Ба гуфтаи мақомоти Русия, ин кор бар асоси созишнома бо Белорус сурат мегирад. Ин дар ҳолест, ки пештар Белорус иддао карда буд, Тихановская хостори ба ҳам задани назми Қонуни асосии он кишвар шудааст. Тихановская аз Александр Лукашенко хостааст, дар зарфи бештар аз даҳ рӯзи дигар истеъфо диҳад. Лукашенко худашро барандаи интихоботи раёсати ҷумҳурии Белорус хондааст. Мухолифон ҷараёни овоздиҳиро пур аз тақаллуб хонда, натиҷаашро напазируфтаанд.
