Мавзӯи эҷоди воксинаи зидди COVID-19 дар маъракаи интихоботи президентии ИМА доғ шуд. Дар ин кишвар шумори олудашудаҳо ба коронавирус 25 ҳазор нафар бештар гардид ва шумори умумии кушташудаҳо аз ин вирус ба 190 ҳазор нафар баробар шуд. Президент Доналд Трамп, ки мехоҳад дубора ба курсии президентӣ нишинад, гуфт, ки ваксинаи нав пеш аз овоздиҳии рӯзи 3-юми ноябр дастрас хоҳад шуд. Трамп рӯзи 7-уми сентябр номзади мақоми муовини президент аз демократҳо Камола Ҳаррисро интиқод кард ва гуфт, ки ӯ бо ҳадафҳои сиёсӣ ба суханбозиҳои бефоидаи зидди воксина пардохтааст. Ӯ инчунин гуфт, ки демократҳо бо ваъдаи муассир ва амн будани воксинаи нав “барои кишвар хатар эҷод мекунанд”. Қабл аз ин Ҳаррис гуфт, ки баа гапи Трамп дар бораи ин ки дастрасӣ ба воксинаро таъмин мекунад, бовар надорад. Ӯ дар сӯҳбат бо CNN гуфт, ки Трамп дар фикри интихоби дубора аст.
